கனவுகளின் உறக்கம்
கனவுகளில்
உறங்க முடியாது
விழித்தபடியே இருக்கின்றேன்
வைக்கப் போர் வாழ்வில்
மணிகளை உதிர்த்து
கூந்தலையே பிரியாக்கி
சிறைப்படுத்துகிறது
என்னை
தானும் திங்காது
தள்ளியும் படுக்காத
நாயொன்று
எனை தினமும் எரியூட்டுகின்றது
இங்கு திங்க முடியாது
திரும்புவது மாடுகளல்ல
வைக்கப் போரே பசியில்
தன்னைத்தானே விழுங்கித்
தொலைக்க
தாலி கட்டிய நாய்கள்
தீர்ந்து போன வைக்கலில்
ஊசி தேடுகின்றது
கிழிந்து போன வாழ்வை
தைக்க
|
Post a Comment