பிரிதல் சொல்லும் காதல்
விலகுதல் காலத்தால்
நிர்ப்பந்திக்கப் படுகின்றன
உனக்கும் எனக்குமானதாகவே
அது வாய்த்துக் கொண்டே இருக்கின்றது
என் விலகல்
உனக்கானதாய்
இருக்கையில் ஆமோதிப்பதும்
எனக்கானதாய் இருக்கையில்
பாராமுகம் காண்பிப்பதும்
உன் வாடிக்கையாகின்ற போது
எல்லா விலகுதலும்
ஒன்றல்ல என்றாகிப் போக
எனக்காக விலகுபவர்களுக்காக
நானும் விலகப் பழகிக்
கொள்கிறேன்
அது தொலைதலாக மாறாது
அன்பாகவே நிலை கொள்கின்றது
|
Post a Comment